租屋

我係嚟到英國先開始搵屋，基本上隔離十日期間就不斷上網睇租盤，一睇到啱心水嘅就打電話俾經紀，約時間睇樓，順便講埋自己打算搵咩樓盤，睇吓有冇一啲未放上網嘅盤可以預早去睇樓。

第一日出去睇樓，原本約咗兩間，點知出門口嘅時候第一間個經紀就打俾我話嗰間屋今日有人落咗deposits, 所以唔能夠去睇。 第二間屋係喺openrent 找的。直接同個業主deal. 睇完間屋，各方面都唔錯，咁我哋就同個業主傾下一步應該點，點知業主話呢幾日一共有差唔多20人睇咗間屋而嚟緊三四日都繼續有人嚟睇，weekend 佢就會決定租比邊一個。業主又講20人當中已經有6 個話interested, 當中有兩個係香港家庭。

第二日約左睇五間，有車就會方便一啲。其中一間，佢係包傢俬的，個業主都好Nice，佢話月尾會搬走，不過會攞走主人房張床，佢會買嗰張新嘅俾我。不過呢間亦都有好多人睇，更加有一個現在做緊ref. Check..

有啲agent 係要求有6個月uk bank statements. 有啲agent 係要求有工作證明先至安排你去睇樓。ref. Check 有機會問你過往六年你嘅居住證明。

呢度較為多用post code ，例如話俾agent 知想搵屋在RG12,RG5, RG6 。我一共俾咗六個post code agent 找。

有小朋友嘅家庭就記得問吓Council 你小朋友嘅年紀邊啲學校有位。方便搵屋嘅時候搵返學校附近。

我哋喺隔離嗰10日就直接咁樣上網站搵屋。因為已經喺英國，又有英國電話，啲agent都樂意打返電話俾我。亦試過video live 睇屋。亦試過有一間Agent 公司拒絕，因為冇英國嘅工作證明。

最好有車啦，咁就方便啲.... 我試過... 一日睇左5間..... 每次睇... 大慨10-15分鐘，之後就會揸住架車，兜下周圍....

試過有一個業主，我睇完之後我表達有意思租，佢就話要等多幾日，因為之前已經約咗一啲人黎睇樓，希望收集晒所有有興趣嘅人，最後一次過揀邊一個可以租佢間屋。

有人話每日check 下right move 有冇咩新盤，我覺得呢個係一個方法，不過如果再想快啲不妨聯絡當地經紀，因為有啲盤未上rightmove, 佢哋都已經可以睇到間屋。有啲地方競爭激烈，我之前睇過一間屋原來已經有六七個人有興趣。所以如果你係第一或者第二個人睇間屋，又盡快決定，咁你可以做到間屋機會就會大啲。

好啦當你有意思租一間屋，聯絡agent，如果業主都同意，就會俾大約一個星期嘅deposits, 之後做reference check, 問你戶口狀況啦，香港嘅工作之前份工嘅職位，之前喺香港過去5年的居住歷史。到交收之前一日，bank transfer. 之後取鎖匙，簽約，同埋會收到一份inventory report..... 有7日時間俾你comment 份report. 如果發現有咩破損，或者有乜嘢係壞嘅，而係份report入邊又冇寫到，咁就要通知返Agent。叫佢搵人嚟修理。

份contract 亦寫明下一年嘅加租係2-5%, 視乎通脹。亦寫左如果冇人喺屋企超過三個星期，要通知Agent. Agent 亦會每六個月嚟探訪一下。所以一定一定要睇清楚份contract.

攞咗鎖匙，同埋收到一份inventory report..... 我就第一時間..... 通知council 我的地址，希望佢哋盡快幫我安排學校。跟住就係.....

1. 上TopCashback 找電煤和寬頻

2. 叫agent 幫我轉水費戶口

3. 度尺，買傢俬

4. 上council 登記council tax

5. 上council 睇吓倒垃圾嘅安排

6. 消化份inventory report

上TopCashback 找電煤好簡單，入postcode, 再篩選一下，有啲人鍾意有合約有啲人唔鍾意嘅咁咪睇自己需要囉。

用呢條link 開TopCashback, 大家有£5 回贈。https://www.topcashback.co.uk/ref/mcdullnick

寛頻... 預一至兩個星期.... 通常會寄個盒俾你插返入電話座。

買傢俬，如果IKEA, 送貨... 預大約2個星期, 另加£40 送貨.... 另外細件嘅嘢，可以click and collect, 超過£100 可以第二日取。IKEA 係不包安裝。記得有支電批！

https://www.facebook.com/109255787557883/posts/261111209039006/?d=n

另外Argos, Amazon 都有傢俬買.....

買床.... 睇清楚嗰size 喎... 同埋床褥最好揀extra firm.... 先夠硬。

電器我就在Amazon or Currys 買。

http://www.amazon.co.uk/tryprimefree?tag=70srunaway2uk-21

每個council 都不同，都係睇清楚 你居住嗰個council 的網站，我住的地方屬於Wokingham Council, 有page 係俾新搬去的人睇。呢到每星期收一次垃圾，亦都係check返你個地址睇返究竟係星期幾收垃圾, 同埋佢哋點樣去分類，我呢度有分food waste, general waste, garden waste, 同recycle.

我份inventory report... 有84 pages.... 佢哋會寫得好仔細，例如個門有冇刮花，都會寫得清清楚楚。所以自己都要check清楚有冇遺留。最好拍video 記下間屋原本狀況。

租屋小總結

到步英國之後，喺隔離嗰10日 不斷搵租盤，有一次WhatsApp live ，放監之後，睇咗兩個業主盤，六個agent盤。其中一個盤算係第一二個睇... 睇完第二日，我就出offer, 一日之後，業主接受我的offer, 之後就reference check, 再之後就度尺（因為冇floor plan) . 度完尺就上網睇傢俬。由出offer 到攞到鎖匙，大約十天。而bnb 仲有大約四天就完。所以book bnb 最少三個星期, 要預多少少時間比自己會好一啲。

關於租屋，每個人嘅想法都會唔同，最好諗清楚自己嚟緊一兩年會有咩打算，有啲人諗住租幾年先，有啲人可能會租半年，之後就買樓嘅，亦都有啲人可能嚟緊九月10月就係去參加下1年度嘅year 7派位，咁自然就要搵一間近理想嘅中學附近啦。所以搵屋嘅時候就要留意番要配合返自己嚟緊一兩年嘅計劃。

我睇樓嘅時候首要係治安，同埋周圍嘅配套。例如附近有冇超級市場啊，附近有冇巴士站呀，附近有冇公園。同埋架車可以泊去邊度，因為呢個會影響架車嘅保險。

離開香港之前，最好真係睇吓你自己將會去嘅區域，睇吓啲樓盤大概咩價位，比自己有個心理準備。

買傢俬大概幾多錢？ 真係豐儉由人，有人會揀二手傢俬，亦都有人會揀最平嘅就係IKEA, 當然要自己去砌啦。呢啲其實都可以去英國之前上網自己去睇吓。砌傢俬，最好準備一對手套同埋電枇。

究竟選擇apartment 定屋仔？真係要睇吓唔同嘅地區，有啲地區其實價錢唔係相差好遠可能100/200磅 。如果屋仔，有機會要打理埋個後花園，例如除草.....

好唔好在香港已經租英國樓？呢個真係好難講，例如有啲租盤你而家睇佢list左出嚟，其實佢可以入住日期可能係一個月或者係兩個月後嘅，咁如果你係喺香港咪可以揀呢啲屋囉，但係有啲屋可能係而家已經可以入住或者係一星期後有得入住，業主可能寧願揀身在英國嘅人囉。

最後... 睇屋記得要準時，人唔係咁鍾意遲到。