Butlin’s 度假村係一個住咗喺英國10幾年嘅朋友介紹我去呢個度假村。 因為我實在太懶，冇點樣去計劃暑假做啲咩， 都係大概兩三個星期前先至上網book呢個八月中嘅四日三夜之旅 。如果真係唔想點樣去計劃每一日做啲咩，又有小朋友的話。 呢個度假村都幾好嘅，因為有好多機動遊戲， 亦都有個室內水上樂園，酒店又有自助餐供應， 唔鍾意仲有特色餐廳可以選擇。 https://www.butlins.com/ Butlin’s 起英國總共有三個度假村。 今次我就選擇咗英國南部近Portsmouth 嘅Bognor Regis 度假村，而我就選擇咗可以望到海，又有露台嘅Ocean Hotel。咁啱有優惠，個hotel Dining plan 第一個小孩係免費。另外再買左circus show 門票。 總共用咗大概£920 一家四口，四日三夜之旅。 選擇房間方便，當你輸入左度假村地址，幾多個人數，同埋時間， 咁就會列出可以選擇嘅房間類型。每個房間類型，佢都有360 video 可以參考。向海同向山嘅單位個分別只係相差£20… 咁梗係選擇向海啦…. 選擇完房間之後，跟住係揀飲食plan, 最貴嗰隻就係可以起度假村入邊任何間一間餐廳進食早餐和晚餐。 我就選擇左酒店嘅自助餐。 不過呢度嘅酒店自助餐同香港食開嘅自助餐有啲分別， 選擇其實唔係好多。時間方便係4:30pm 至 7:00 pm. 試過咗今次之後，下一次我可能會選擇貴一點嘅plan. 選擇完餐飲之後，下一個就會問你需唔需要選擇買馬戲團戲票。 呢個馬戲團較為特別，所以係要另外俾錢。 video: https://youtube.com/shorts/w6sPGC0AKqg?feature=share 搞掂，俾完錢之後就會收到email confirmation。 大概喺出發前14日，你就會再收到email叫你下載 Butlin’s 嘅Apps, 開啟apps 再登入，就可以開始預訂想參加嘅activity… 有啲係免費，有啲就要額外再俾錢。 到臨出發前一兩日你就會收到一封email， 講你應該喺邊度check-in，同埋泊車嘅位置。 星期六晚有late swim. 星期日晚有late fairgrounds (呢個必去） video: https://youtu.be/mY...